विहार : शालेय / सहशालेय उपक्रम
मोफत पाठ्यपुस्तक वितरण व स्वागत समारंभ
दरवर्षी शाळेचा पहिला दिवस मोठ्या उत्साहात साजरा होतो. या दिवशी शाळा सजवली जाते. इ.१ली ते ५ वी च्या मुलांचे औक्षण करून व गुलाब पुष्प देऊन स्वागत केले जाते. पाठ्यपुस्तक वितरण समारंभ आयोजित केला जातो. यासाठी संस्थेचे सदस्य व इतर मान्यवर उपस्थित राहतात. त्यांचे हस्ते पाठ्यपुस्तकाचे वितरण केले जाते. तसेच मध्यान्ह भोजनात वि‌द्यार्थ्यांना गोड खाऊ दिला जातो.
सामुदायिक वाढदिवस समारंभ
आपला वाढदिवस शाळेतही साजरा होतो याचा आनंद मुलांना मिळावा तसेच त्यानिमित्ताने मुलांची आई शाळेत येऊन मुलांविषयी प्रगती जाणून घेतील या उद्देशाने आमच्या मोठ्या बाईंनी हा सामुदायिक वाढदिवस समारंभ शाळेत सुरु केला. ही परंपरा आज तागायत विद्यालयात सुरु आहे आणि ती सुरु राहणारच आहे.
विविध सभांचे आयोजन (उदा.पालकसभा, माता-पालक सभा, शिक्षक-पालकसभा, व्यवस्थापन समिती सभा)
विद्यालयात वेळोवेळी विविध सभांचे आयोजन केले जाते. यामध्ये विद्यालयाच्या प्रगतीबाबत, शासनाने सांगितलेल्या विविध योजना संदर्भात चर्चा करून निर्णय घेतले जालात.
हळदीकुंकू समारंभ
माता पालकांसाठी श्रावणी शुक्रवार, मातृ दिन अशा निमित्ताने हळदी-कुंकू समारंभ आयोजित केला जातो. या निमित्ताने वेगवेगळे तज्ज्ञ बोलावून मानसिक आरोग्य, शारीरिक आरोग्य, इ. विषयांवर मार्गदर्शन दिले जाते.
शैक्षणिक सहल
सहशालेय उपक्रम म्हणून दरवर्षी विद्यार्थ्यांची शैक्षणिक सहल आयोजित केली जाते. मुलांना ऐतिहासिक गोष्टींची माहिती व्हावी, त्यांसंबंधी प्रत्यक्ष ज्ञान मिळावे, तसेच मित्रांबरोबर प्रवासाचा अनुभव घेता यावा, स्वावलंबन यासाठी दरवर्षी इ.४ थी साठी शैक्षणिक सहलीचे आयोजन केले जाते. या सहलीचे सुयोग्य नियोजन करून ती यशस्वीपणे पूर्ण केली जाते.
क्षेत्रभेट
दरवर्षी विद्यालयात विद्यार्थ्यांच्या विकासासाठी क्षेत्रभेटी आयोजित केल्या जातात. यामध्ये पोस्ट ऑफिस, बँका, माजी मंडई, कुंभार काम, शिंपी दुकान, मंदिरे अशा वेगवेगळ्या ठिकाणी क्षेत्रभेटी आयोजित करून वि‌द्यार्थ्यांना तेथील कामकाजाचा प्रत्यक्ष अनुभव दिला जातो.
सांस्कृतिक कार्यक्रम
दरवर्षी विद्यालयात वि‌द्यार्थ्यांचे विविध सण, स्नेहसंमेलन या निमित्ताने सांस्कृतिक कार्यक्रम घेतले जातात. गणेशोत्सवामध्ये प्रत्येक इयत्ताचे वेगवेगळे कार्यक्रम होतात. यामध्ये सामुहिक व वैयक्तिक कार्यक्रम साजरे करतात, यामध्ये नृत्य, नाटक, तबला वादन, वैयक्तिक नृत्य यांचे सादरीकरण होते.
न.पा. शिक्षण मंडळातर्फे घेण्यात आलेल्या सांस्कृतिक कार्यक्रम, स्पर्धेतही वि‌द्यालयाने दरवर्षी खाजगी शाळांतून प्रथम क्रमांक, द्वितीय क्रमांक मिळवला आहे.
स्नेहसंमेलन
दरवर्षी विद्यार्थ्यांच्या गुणांचे कौतूक करण्यासाठी व प्रोत्साहन देण्यासाठी वार्षिक पारितोषिक समारंभ घेतला जातो. यात जवळजवळ २,०००/- रुपयांची बक्षीसे दिली जातात.
यामध्ये शिक्षक-पालकांनी ठेवलेली बक्षीसे व काही दानशूर लोकांनी संस्थेच्या नावे ठेवी ठेवल्या असून त्याच्या व्याजातून बक्षीस वितरण केले जाते. तसेच काही व्यक्तींनी गरजू पण होतकरू मुलांसाठीही विशेष ठेव ठेवली आहे. त्याच्या व्याजातून गरजू होतकरू वि‌द्यार्थ्यांना शैक्षणिक साहित्याच्या रुपात बक्षीस दिले जाते. जवळजवळ ३०० ते ३५० मुले दरवर्षी बक्षीसासाठी पात्र असतात. हा आकडा वाढतच चालला आहे.
स्नेह‌संमेलात सांस्कृतिक कार्यक्रमही असतात. विहारच्या वर्गांचे स्वतंत्र कार्यक्रम साजरे होतात. यात विविध प्रकारचे नृत्य, ऐतिहासिक नाटके, यांचे अप्रतिम सादरीकरण वि‌द्यार्थी करतात. स्नेहसंमेलनाचा कार्यक्रम चार दिवस चालतो.
नागपंचमी, रक्षाबंधन, गोकुळाष्टमी हादगा
विद्यार्थ्यांमध्ये आपली संस्कृती रुजवावी तसेच धार्मिक सणांचे महत्व कळावे त्याचबरोबर त्या सणामागील धार्मिक व वैज्ञानिक कारण लक्षात यावे यासाठी धार्मिक सण साजरे केले जातात.
बालदिन / वाचन प्रेरणा दिन
दरवर्षी १५ ऑक्टोबर डॉ.ए.पि.जे. अब्दुल कलाम यांच्या जयंती निमित्त वाचन प्रेरणा दिन साजरा करतात. या दिवशी पुस्तक प्रदर्शन व पुस्तकांचे गटागटाने वाचन करून घेतले जाते. वाचनाचे महत्त्व वि‌द्यार्थ्यांना समजावून दिले जाते. तसेच १४ नोव्हेंबर पं.जवाहरलाल नेहरू यांच्या जयंतीनिमित्त बालदिन साजरा केला जातो. यानिमित्त वि‌द्यार्थ्यांसाठी खेळ, कागदी वस्तू बनवणे, चित्रे काढणे अशा उपक्रमाचे आयोजन कले जाते
हात धुणे दिन
१५ ऑक्टोबर या दिवशी हात स्वच्छ ठेवण्याचे महत्त्व समजावून देण्यासाठी जागतिक हात धुणे दिन साजरा करतात. या दिवशी हात कशा पदधतीने धुवावेत याचे विविध प्रकार प्रात्यक्षिकाने दाखवले जातात.
शिक्षक दिन
५ सप्टेंबर डॉ.सर्वपल्ली राधाकृष्णन यांच्या जन्म‌दिनानिमित्त शिक्षक दिन साजरा करण्यात येतो. या दिवशी डॉ.सर्वपल्ली राधाकृष्णन यांच्या प्रतिमेचे पूजन करून विद्यार्थ्यांची भाषणे घेतली जातात, तसेच संस्थेतर्फे सर्व शिक्षकांचा सन्मान केला जातो.
स्वातंत्र्य दिन, प्रजासत्ताक दिन, महाराष्ट्र दिन
वरील राष्ट्रीय सण मोठ्या दिमाखात विद्यालयात साजरे केले जातात. या दिवशी प्रमुख पाहुण्यांच्या हस्ते ध्वजारोहण केले जाते. तसेच राष्ट्रगीत, राज्यगीत, व समूहगीतांचे तालासुरात गायन होते. ससाहित्य कवायत, संचलन, लेझीम, मनोरे इ. कार्यक्रमाचे आयोजन केले जाते.
कै.कुसुमताई आराध्ये स्मृतिदिन
संस्थेच्या संस्थापिका कै.कुसुमताई आराध्ये यांचा स्मृतिदिन दरवर्षी या दिवशी साजरा केला जातो. यानिमित्ताने पालकांसाठी मार्गदर्शनपर व्याख्यानाचे आयोजन कैले जाते
वर्ग सुशोभन
वि‌द्यालयातील सर्व वर्ग हवेशीर व प्रशस्त आहेत. शाळेच्या पहिल्याच दिवशी सर्व वर्ग सुंदर व आकर्षक सजवलेले जातात. वर्गात आकर्षक शैक्षणिक पताके, तक्ते, तरंगचित्रे, इ. च्या साहय्याने सुंदर सजवलेले असतात. यात बरेच साहित्य शिक्षक स्वतः सुंदर हस्ताक्षरात तयार करतात.
निरोप समारंभ
दरवर्षी मोठ्या गटाच्या विद्यार्थ्यांचा निरोप समारंभ साजरा केला जातो. वि‌द्यार्थ्यांना खाऊ दिला जातो. कार्यक्रमाचे आयोजन करून त्यात वि‌द्यार्थी पालक आपले मनोगत व्यक्त करतात.