भौतिक सुविधा व वैशिष्ट्ये

सुसज्ज इमारत

शाळेची इमारत सुसज्ज, प्रशस्त हवेशीर व सर्वबाजूंनी प्रकाश येईल अशी आहे. वि‌द्यालय व शिशुविहार यासाठी स्वतंत्र्य इमारती आहे. इमारतीत प्राथमिकचे १६ वर्ग, ग्रंथालय, हॉल व कार्यालय असे स्वतंत्र विभाग आहेत. सर्व वर्ग प्रशस्त व हवेशीर आहेत. वर्गामध्ये पंखे, लाईट, टेबल, खुर्ची कपाट सतरंज्या इ.सोयी सुविधा आहेत, तसेच रॅम्पची देखील सोय इमारतीत आहे. आजूबाजूला वेगवेगळी झाडे आहेत त्यामुळे इमारत, सुंदर व आकर्षक दिसते.

भव्य कलामंच

शाळेत मैदानावर समोरच भव्य असा कलामंच आहे. वार्षिक स्नेहसंमेलन, बक्षीस समरंभ असे सर्व कार्यक्रम या कलामंचावर मोठ्या दिमाखात पार पाडले जातात.

प्रोजेक्टर

वि‌द्यार्थ्यांसाठी विविध चित्रफिती दाखवण्यासाठी प्रोजेक्टरची सोय आहे.

संगणक व इंटरनेट सुविधा

शाळेत संगणक व इंटरनेट सुविधा उपलब्ध आहे. इंटरनेटच्या माध्यमाद्वारे डिजिटल कॉन्फरन्स हॉलमध्ये अभ्यासातील आणि इतर विविध संकल्पना दाखवल्या जातात. शालेय सर्व कामे म्हणजे हजेरी पत्रक, रजिस्टर, प्रगती पत्रके, दाखले, बोनाफाईड इ. सर्व कामकाज आता संगणकामार्फत केले जाते. तसेच दोन झेरॉक्स मशीन देखील उपलब्ध आहेत. प्रश्नपत्रिका, दाखले इ शाळेतच छापून घेतले जातात.

सुसज्ज ग्रंथालय

शाळेत स्वतंत्र्य ग्रंथालय आहे. सुमारे १०००-१२०० पुस्तके ग्रंथालयात उपलब्ध आहेत. या सर्व पुस्तकांच्या योग्य नोंदी ठेवल्या आहेत. वेळोवळी वि‌द्यार्थ्यांना पुस्तके वाचनासाठी दिली जातात. या पुस्तकांच्या संख्येत दरवर्षी भर पडत आहे.

वि‌द्यार्थी संख्येच्या प्रमाणात स्वच्छ प्रसाधनगृहे

शासनाच्या नियमाप्रमाणे विद्यार्थी संख्येच्या प्रमाणात प्रसाधनगृहाची सोय आहे. मुलांचे व मुलींचे स्वतंत्र प्रसाधन गृह आहे. त्यांची वेळोवळी स्वच्छता केली जाते.

वैशिष्ट्ये

• पूर्व माध्यमिक शिष्यवृत्तीची उज्वल परंपरा
• डिजिटल क्लासरूम
• विषयवार शैक्षणिक साहित्य
• विद्यार्थ्यांकडे वैयक्तिक लक्ष
• सांस्कृतिक कार्यक्रम
• विविध स्पर्धांचे आयोजन